Warar aan helayno ee naga soo gaadhaya magaalada Laascaanood ee xarunta gobolka Sool soona gaadhaya xafiiska shabakada Ramaasnews ayaa waxay sheegayaan in Ciidamada
Booliska Somaliland ay gacanta ku dhigeen rag la sheegay inay kamid ahaayeen dabley hubaysan oo dhawaan deegaanka Oog ee gobolka Saraar jidgooyo ugu galay gaadhi bas ah oo ay leedahay shirkada Socdaalka Yaasmiin.halkaas oo ay ku dileen dableydaasi darawalkii waday gaadhigaasi oo kasoo jeeda magaalada Badhan ee gobolka Sanaag rakaabkii baskaasi fuushanaana ay u gaysteen baadhasho iyo xatooyo.
Raggan ay ciidamadu qabteen ayaa tiradoodu dhan tahay Saddex nin,waxaana sida la sheegay ay ciidamadu kasoo qabteen deegaanka yagoori uu ka tirsan gobolka Sool.
Ciidamada Booliska Somaliland ayaa wali wada baadhitaanka dableydaasi jidgooyada u gashay gaadhiga baska ah intaasi kadibna dilay darawalki waday gaadhiga,rakaabkii saarnaana baadhitaano xatooyo ah u gaystay.
Subscribe by Email
Follow Updates Articles from This Blog via Email
No Comments